content top

Monday, October 24, 2011

ပုံပြင် သုံးပုဒ်




မဆိုင်ဘူးထင်ပြီး အသာနေတော့

ရွာတစ်ရွာမှာ လယ်သမားလင်မယားနှစ်ယောက်ရှိသတဲ့။ဒီလင်မယားက
သူတို့အိမ်မှာ ကြက်ရယ်၊ ၀က်ရယ်၊ နွားရယ် သတ္တ၀ါ(၃)ကောင်ကို ကျွေးမွေးထားသတဲ့။
ဒီကျွေးတဲ့အစာတွေကို သူတို့မွေးထားတာမဟုတ်တဲ့ ကြွက်တစ်ကောင်ကလာရောက်စားသောက်နေတာမကြိုက်ဘူးတဲ့။
ဒါကြောင့် လယ်သူမကြီးကမြို့ရောက်တုန်း ကြွက်ထောင်ချောက်ဝယ်လာသတဲ့။
ဒါကိုသတင်းရသွားတဲ့ကြွက်က
” ကိုကြက် လယ်သူမကြီးတော့ကြွက်ထောင်ချောက်ဝယ်လာပြီ၊ ကိုကြက်သတိထားဦး၊မဟုတ်ရင်
ဒုက္ခရောက်နေမှာဆိုးလို့…” ဆိုပြီးပြောသတဲ့ ကြက်ကိုပြောသတဲ့။
” ကြွက်ထောင်ချောက်ဝယ်တာ ငါနဲ့ဘာဆိုင်လို့လည်းတဲ့။ မင်းသာသတိထားနေတဲ့။
မင်းသတိပေးချင်ရင် ကိုဝက်ကိုသွားပြော…”ဆိုပြီး ၀က်ဆီလွှတ်လိုက်သတဲ့။
ဒါနဲ့ကြွက်ကလည်း ၀က်ကိုသတိပေးစကားပြောတဲ့အခါဝက်က
ကြွက်ထောင်ချောက်ဆိုတာငါနဲ့မဆိုင်ဘူး မင်းပြောချင်ရင်ကိုနွားကိုသွားပြောဆိုပြီး
လွတ်ပြန်လေတယ်။
ဒီလိုနဲ့နွားကလည်း ” ဒီကြွက်ထောင်ချောက်ကိုတက်နင်းမိရင်၊ ငါ့ခြေထောက်ဘာမှဖြစ်မဖြစ်ယုံမကဘူး၊
ကြွက်ထောင်ချောက်တောင် တစ်စစီဖြစ်သွားလိမ့်မယ်….”ဆိုပြီးကြွက်ကိုပြောသတဲ့။
ဒီလိုနဲ့ တနေ့မှာ အိမ်နောက်ဖေးမှာချောက်ဆိုပြီး အသံကြားလို့ ယာသူမကြီးသွားကြည့်တဲ့အခါမှာ
ကြွက်ထောင်ချောက်မှာ သတ္တ၀ါတစ်ကောင်မိနေသတဲ့..။ကြွက်မဟုတ်ပေမဲ့ ဘာကောင်မှန်းသိအောင်
သေသေချာချာအနားကပ်သွားကြည့်တဲ့အခါမှာ မြွေကြီးတစ်ကောင်ဖြစ်နေလေတယ်။ မြွေကြီးကလည်း
စိတ်ဆိုးဆိုးနဲ့ အနားကပ်လာတဲ့ယာသူမကြီးခြေထောက်ကိုတစ်အားပေါက်ချလိုက်ပါရော…။
ဒီအခါမှာ ယာသူမကြီးမှာ မြွေဆိပ်တက်ကာ အိပ်ယာထဲမှာလဲ…ဆေးဆရာခေါ်ရပါတော့တယ်…။
အရပ်ထဲကသူတွေလာကြည့်ကြရင်း ညစာချက်ဖို့အချိန်ရောက်လာတော့ အလျှင်မမှီတာနဲ့ အိမ်အောက်က
ကြက်ကိုရိုက်ချက်ပြီး ဧည့်သည်တွေကိုကျွေးပါတယ်..။ ဒီလိုနဲ့နောက်နေ့မနက်မနက်မှာ ရွာနီးခြောက်စပ်က
ဆွေမျိုးတွေလာတော့လည်း လယ်သမားကြီးက အလုပ်ရှုပ်နေတာကြောင့် အိမ်က၀က်ကိုချက်ကာကျွေးပြန်ပါရော…။
ဒီလိုနဲ့ ၃ရက်မြောက်တဲ့နေ့မှာ
လယ်သူမကြီးဆုံးတော့ နွားကိုချက်ကာ ရက်လည်လိုက်သတဲ့..။

==========================================================================


အချိန်

 

တစ်ခါတုန်းက
ဝက်ဝံကြီးတစ်ကောင်ဟာ လက်ပတ်နာရီလိုချင်တာနဲ့ မြို့မှာ သွားဝယ်ဖို့ဆိုပြီး ခရီးထွက်လာခဲ့သတဲ့။ သူ လက်ပတ်နာရီ လိုချင်နေတာ ကြာပြီ၊ မြို့ကို ရောက်ဖူးချင်နေတာလည်း ကြာပြီ။မြို့ကိုရောက်ရင် ကြိုးသိုင်းခေါင်းစွပ်ပါတဲ့ တီရှပ်တစ်ထည်ဝယ်မယ်။
ပြီးရင် ကာကီရောင်ဖျော့ဖျော့ ဂျီယော်ဒါနို ဘောင်ဘီရှည်ပါဝယ်ပြီး ၀တ်ဦးမှပဲ… လို့  ၀က်ဝံကြီးက စိတ်ကူးယဉ်သတဲ့။ပြီးမှ မြို့သားတွေရဲ့ စတိုင်အတိုင်း ဆယ်လူလာဖုန်းတစ်လုံး ခါးမှာ ချိတ်ပြီး မြို့ထဲလျှောက်လည်ရင်း နာရီရှာဝယ်မယ်လို့ ၀က်ဝံကြီးက တွေးလိုက်တယ်။သူလိုချင်တဲ့ နာရီက ဒိုင်ခွက် အချိန်ပြဂဏန်းတွေ နေရာမှာ စိန်ပွင့်သေးသေးလေးတွေ မြှုပ်ထားပြီး ပတ်ပတ်လည်မှာ သလင်းကျောက်တွေ စီထားတဲ့ ဒီဇိုင်မျိုး။
ပုံစံလှလှပေါ့။ နာရီက ရွှေရောင်ဖြစ်ရမယ်။ ကြိုးက သားရေကြိုးပျော့အနက်ရောင်ဖြစ်ရမယ်တဲ့။
“နှစ်ပေါင်းတစ်ရာမှာ စက္ကန့်ပိုင်းလောက်ပဲ အချိန်အတိမ်းအစောင်း အလွဲအမှား ရှိရမယ်” လို့ ကြော်ငြာထားတဲ့ ရိုးလက်(စ်) နာရီကို ၀က်ဝံကြီးက သိပ်စိတ်ဝင်စားတာပဲတဲ့..။
“ဘ၀မှာ အချိန်ဆိုတာ သိပ်အရေးကြီးတယ်” လို့ ၀က်ဝံကြီးက သူ့ဘာသာသူ တစ်ယောက်တည်း ပြောလိုက်တယ်။ ဒီစကားဟာ ၀က်ဝံကြီး တစ်သတ်လုံး ပြောပြောလာခဲ့တဲ့ သူ့ရဲ့ ခံယူချက်လည်း ဖြစ်တယ်ဆိုပဲ။
ဒီလိုနဲ့ ၀က်ဝံကြီးဟာ တရွေ့ရွေ့လျှောက်ရင်း တောအုပ်ကြီးရဲ့ အပြင်ဘက်ကို ရောက်လာပါလေရော။ တောအုပ်က ထွက်ပြီဆိုတော့ ရွာနဲ့ နီးလာတာပေါ့။
ရွာနားရောက်တော့ ရွာခြံစည်းရိုး အပြင်ဘက်မှာ ပြောင်းခင်းကြီး တစ်ခင်းကို တွေ့ရတယ်။ ပြောင်းခင်းကြီးက အကျယ်ကြီး၊ မိုးကုပ်စက်ဝိုင်းထိအောင် ကျယ်သလားမှတ်ရတယ်။ မျက်စိတစ်ဆုံးပဲ..တဲ့။
ပြောင်းဖူးတွေကလည်း စားချင်စဖွယ်၊ ပြွတ်သိပ်.. လို့။
“အင်း.. ပြောင်းဖူးတွေက အင်မတန်အရသာ ရှိမယ့်ပုံပဲ။ ငါသွားရမယ့် ခရီးကလည်း ဝေးသေးတယ်။ အဲဒီတော့ လမ်းမှာ စားဖို့ နည်းနည်းပါးပါး ခူးသွားဦးမှပဲ” ဒါနဲ့ပဲ.. ၀က်ဝံကြီးဟာ ပြောင်းခင်းထဲကို တိုးဝင်သွားတယ်။ ပြီးတော့ အကြီးဆုံး အကောင်းဆိုးလို့ ထင်ရတဲ့ ပြောင်းဖူး နှစ်ဖူးကို ရှာပြီး ခူးလိုက်တယ်။
ဒါပေမယ့်.. ရှေ့မှာ အဲဒီထက် ပိုကြီးပြီး ပိုကောင်းတယ်လို့ အောက်မေ့ရတဲ့ ပြောင်းဖူးတွေကလည်း တစ်သီတစ်သန်းကြီး ရှိနေသေးတာ။ ဒါနဲ့ ၀က်ဝံကြီးဟာ ထပ်ပြီးလိုချင်လာပြန်ရော။ ခက်တာက သူ့လက်နှစ်ဖက်မှာ ခူးပြီးသား ပြောင်းဖူးနှစ်ဖူးကို ကိုင်ထားရတော့ လက်မအားတော့ဘူး။
ဒါနဲက.. ၊ ၀က်ဝံကြီးဟာ လက်ထဲက ပြောင်းဖူးနှစ်ဖူးကို ချိုင်းကြားထဲမှာ ညှပ်ထားလိုက်တယ်။ ပြီးတော့ ရှေံကို တိုးတိုးသွားရင်း တွေဲတဲ့ ပြောင်းဖူးတွေကို လက်နှစ်ဖက် ဆန့်ထုတ်ပြီး ခူးပြန်သတဲ့။ အဲသည်လို.. နောက်ထပ် ပြောင်းဖူးတွေချိုးဖို့ လက်ဆန့်လိုက်တဲ့အခါ ချိုင်းကြားထဲက ပြောင်းဖူးနှစ်ဖူးက ထွက်ကျသွားတာပေါ့။
ဝက်ဝံကြီးကတော့ မသိရှာဘူး။ ပြောင်းဖူးနှစ်ဖူးကို လှမ်းခူးပြီး ချိုင်းကြားထဲ ညှပ်ထားလိုက်..၊ နောက်ထပ် ပြောင်းဖူးတွေ ထပ်ခူးဖို့ လက်ဆန့်တဲ့အခါ ချိုင်းကြားထဲ ပြောင်းဖူးတွေက ထွက်ကျသွားလိုက်…။
နောက်နှစ်ပေါင်းများစွာ ကြာတော့မှ ၀က်ဝံကြီဟာ ပြောင်းခင်းကြီးထဲက ပြန်ထွက်လာခဲ့တော့တယ်။ သူ့ချိုင်းကြားမှာတော့ ပြောင်းဖူးလေး နှစ်ဖူးပဲ ပါလာခဲ့ပါသတဲ့။
သူဟာ သိပ်ကို အိုမင်းသွားပါပြီ။ မြို့ကို သွားဖို့ အချိန်လည်း မရှိတော့ပါဘူး။
သူလိုချင်လွန်းလှတဲ့ နာရီကိုလည်း မ၀ယ်နိုင်တော့ပါဘူး။
“ဘ၀မှာ အချိန်ဆိုတာ သိပ်အရေးကြီးတယ်” လို့ တတွတ်တွတ် ရေရွတ်ရင်းနဲ့ပဲ သူလာခဲ့ရာ တောအုပ်ဆီ တရွေ့ရွေ့ ပြန်ဝင်သွားရပါသတဲ့။


=========================================================================


ပင့်ကူ

 

မိုးရွာပြီးခါစ ပင့်ကူတစ်ကောင်ဟာ မိုးမိပြီး စုတ်ပြဲသွားတဲ့ ပင့်ကူအိမ်အမျှင်ကနေ စိုရွှဲနေတဲ့နံရံပေါ် တွယ်တက်ဖို့ ကြိုးစားခဲ့တယ်။
မိုးစိုနေတဲ့အတွက် ပင့်ကူဟာ အမြင့်တစ်နေရာကို ရောက်တာနဲ့ ပြန်ပြုတ်ကျလာတယ်။ ပင့်ကူဟာ အကြိမ်ကြိမ် ကြိုးစားပြီး တက်ခဲ့ပေမယ့် အကြိမ်ကြိမ် ပြန်ပြုတ်ကျခဲ့ရတယ်။
ပင့်ကူရဲ့ အဖြစ်အပျက်ကို လူ ၃ယောက်က တွေ့ခဲ့ကြပြီး ပထမလူက “ဟင်း.. ငါ့အဖြစ်ကလည်း ပင့်ကူနဲ့ အတူတူပါပဲလား? ပင်ပင်ပန်းပန်း လုပ်ခဲ့ပေမယ့် ဘာမှ အကျိုးမရခဲ့ဘူး” လို့ ပြောပြီး သက်ပြင်းအခါခါ ချခဲ့တယ်။ အဲဒီနောက် ပထမလူရဲ့နေ့ရက်တွေဟာ စိတ်ဓာတ်ကျခြင်း တွေနဲ့ပဲ ပြည့်နေခဲ့တယ်။
ဒုတိယလူက “ဒီပင့်ကူ တော်တော် တုံးပါလား? ဘေးက ခြောက်နေတဲ့ နံရံကနေ ပတ်ပြီးတက်သွားလို့လည်း ရရက်သားနဲ့၊ ပင့်ကူလို ငါ တုံးလို့ မဖြစ်ဘူး” လို့ တွေးမိတယ်။ အဲဒီနောက် သူဟာ စဉ်းစားဆင်ခြင်တတ်ပြီး ထက်မြက်လာခဲ့တယ်။
တတိယလူက ” အဖန်ဖန်ပြုတ်ကျပေမယ့် အထက်ကိုရောက်ဖို့ ဒီပင့်ကူ ဇွဲမလျှော့ခဲ့ဘူး” ဆိုပြီး သူဟာ ဘာလုပ်လုပ် ပင့်ကူလို ဇွဲလုံ့လ၊ တောင့်ခံအားတွေ ကောင်းခဲ့တယ်။
အောင်မြင်မှုကို လိုလားသူဟာ ဘယ်လို အခြေအနေမှာပဲဖြစ်ဖြစ် အောင်မြင်မှု အစွမ်းကို ရှာဖွေတတ်ရတယ်။


=========================================================================

ဖတ်ဖူးခဲ့တဲ့ ပုံပြင်တွေ ပြန်ချရေးလိုက်ပါသည်။

 

3 comments:

˜º̶̶ƷʌuτuмиƸ̶º˜˜ said... Reply To This Comment

တုန်းပုဒ်လုံး...ပညာပေးလေးတွေပါပဲ..
ကောင်းတယ်နော်..ရည်ရွယ်ချက်လေးတွေက..
၁။ငါနဲ.မဆိုင်ဘူးဆိုပြီးလေလစ်လျှူရှုနေလို.လဲမကောင်း..
၂။အချိန်ကဘ၀မှာတန်ဘိုးရှိတာလဲဟုတ်တာပဲ
၃။အရာရာမှာဇွဲမလျှော့သင်.တာလဲဟုတ်တာပဲ..
မောင်လေးပုံပြင်လေးတွေကောင်းပါတယ်ကွယ်..

mstint said... Reply To This Comment

ပုံပြင်လေးတွေ ကောင်းတယ် မောင်အောင်မင်းရေ။
ဒုက္ခပေါင်းစုံနဲ့ ပြည့်ဝနေတဲ့ လောကကြီးမှာ တန်ဘိုးရှိတဲ့အချိန်တွေကို ဦးနှောက်သုံးပြီး ကျော်ဖြတ်သင့်တယ်။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

ချော(အစိမ်းရောင်လွင်ပြင်) said... Reply To This Comment

ပုံပြင်သုံးပုဒ်လုံး သဘောကျတယ်
ကိုယ့်ကိုယ်ကို ဝက်ဝံလိုများ ဖြစ်နေသလားလို့လည်း တွေးမိပါတယ်။
သင်ခန်းစာယူစရာ အဖိုးတန်ပုံပြင်တွေပါဘဲ

Post a Comment


facebook comment


content top