content top

Wednesday, October 12, 2011

21 နှစ်ပြည့် သီတင်းကျွတ် (12.10.2011)

``လျှောက်လည်ခဲ့တာ
ပျော်စရာကောင်းလှ..
သူငယ်ချင်းများ ဆွေသဟာ
ရယ်မောရင်း ပျော်ပါးခဲ့တာ..
ဘုရားဆီမီးသက်စေ့လှူ
ကျနော်ဆုတွေ တစ်ပွေ့ယူ..
မေ့မေ့ကို ကန်တော့ရင်း
အပြုံးဆုတွေ ခံယူရင်း
သီတင်းကျွတ်ည လွမ်းပေစွ..။´´






ဒီနေ့ သီတင်းကျွတ်လပြည့်နေ့လေးဖြစ်သည်။ ကျနော့်အတွက် နောက်ထပ်နှစ်ရက်ဆိုရင်တော့ (21) နှစ်ပြည့်မွေးနေ့လေးဖြစ်သည်။ ဒီတော့ 21 ပြည့် သီတင်းကျွတ်လို့ ခေါင်းစဉ်တပ်လိုက်တာပါ။


ဒီနေ့ မနက် မိုးလင်းတော့ ခေါင်းကိုက်နေသည်။ ညက ညနက်မှ အိပ်ဖြစ်သည်။ နာရီကိုကြည့်လိုက်သည်။
 8 နာရီ ဖြစ်သည်။ ကိုးနာရီ ဘုန်းကြီးကျောင်းမှာ သီလပေးမှာမို့ ဒီအချိန်လောက်အတော်ပဲဖြစ်သည်။
အမ လင်မယားနှင့် အံတော်ရှင် ဘုန်းကြီးကျောင်း သွားဖြစ်သည်..။ လူတွေ အရမ်းများသည်..။
နေရာမရတော့ မလှမ်းမကမ်းက စင်္ကြန်လေးကနေပဲ ဆောင့်ကြောင့်ထိုင်ပြီး သီလယူခဲ့ပါသည်။


အိမ်ပြန်ရောက်တော့ ထမင်းအနည်းငယ်စားသည်။ ပြီးတော့ သူငယ်ချင်း   သော်ဇင်စိုးဆီသွားသည်။ ဘာလုပ်ရမလဲ မသိဘူးလို့..ဆိုကြတော့။ Chess ထိုးကြသည် ။ ကျနော် ရှုံးသည်။


ဆယ်တန်းတုန်းက အရမ်းခင်တဲ့ သူငယ်ချင်း တစ်ယောက် နှင့်တွေ့သည်။ သံပုရာရည်သောက်ရင်း စကားစမြည်ပြောဖြစ်ကြသည်..။ ကျနော် သူ့ကို ပြောပြသည်ထဲမှာ ကျနော် အကြောင်းသိပ်များများစားစား မပြောဖြစ်ပါ။ သူ့အကြောင်းပဲ ပြောဖြစ်ပါသည်။ သူနဲ့တွေ့ပြီးတော့ အိမ်ပြန်သည်။ တစ်ရေးအိပ်သည်။   ညနေငါးနာရီလောက်မှ နိုးသည်။


မနေ့က မမြင့်မြင့်အေးဆိုတဲ့ အမ တစ်ယောက်ကကျနော့်ကို သူ့အိမ်မှာ ကြာဇံလာစားဖို့ ခေါ်ထားသည်။
သူက အွန်လိုင်းမှာ ခင်တဲ့ အမတစ်ယောက်ပါ။ သူလိပ်စာပြောပြသည်။ ကျွန်းပင်သာ အိမ်အမှတ် -13 တဲ့။
ကျနော် ကိုသော်ကြီးကိုသွားခေါ်ပြီးတော့ အဲလိပ်စာကို သွားရှာပါသည်။ တော်တော်ကြာကြာ မတွေ့။  နောက်ဆုံးတွေ့ပါပြီ ။ အဲဒီအိမ်လေးမှာ ကုန်စုံဆိုင်လေး တစ်ဆိုင်ဖွင့်ထားသည်။
`အန်တီ မမြင့်မြင့်အေး ရှိလား´ ဆိုတော့ `မသိဘူးကွယ့်´ တဲ့။ မှတ်ကရော...ကြာဇံလေးစားရမလား မှတ်တယ်..။ ငတ်ရော..။ ညရောက်တော့ သူ့ဆီက မက်ဆေ့လေးတစ်ခုကို တွေ့ပါသည်။
လူညာကြီး တဲ့။ ထားပါ...အမှတ်တရ တစ်ခုပြောပြတာပါ..။


အဲက အပြန် နည်းပညာကျောင်းတုန်းက သူငယ်ချင်း တစ်ယောက်ဆီဝင်တော့ `ဘုရားသွားကြမယ်လေ´ဟု ဆိုတော့ ဘုရားသွားဖို့ အစီအစဉ် ဆွဲမိပြန်ရောဗျာ..။
ကျနော်ရယ် ကိုသော်ကြီးရယ် ကိုဟိန်းလေးစံရယ်  သန္တာရယ် မီမီရယ် မနေခြည်ဖြိုးရယ်ပေါ့..။ ကိုသော်ကြီးက ဓာတ်ပုံရိုက်ပေးတော့ ပုံထဲမှာ မပါဘူးဗျ..။ ပုံကို ကလစ်ပြီးတော့ ကြည့်ပေးပါ။





အံတော်ရှင်မှာ ရိုက်ထားတာပါ။ ကင်မရာသိပ်မကောင်းလို့ မျက်လုံးလင်းနေတာ။ အမှတ်တရမို့ တင်လိုက်ပါသည်။ ပြီးတော့ ရွှေတိဂုံ ပုံတူ စေတီကို ဆက်လက်ချီတက်ကြမယ်ဟုဆိုသည်။
မချီတတ်မီ ကျနော်က ဗိုက်ဆာသည်ဟု ဆိုတော့ max မှာ တစ်ခုခုသွားစားကြသည်။ တစ်ခုခုဆိုတာ တစ်ခုခုပေါ့နော် ။ ပြီးတော့ ဆက်လက် ချီတက်သည်။ ဘုရားမှာပေါ့ ဗျာ ။လူတွေ စည်လိုက်တာဗျ။ အုံခဲနေတာပဲ ..။ ပုရွက်ဆိတ်လေးတွေ ကျနေတာပဲ..။ ကင်မရာက ဓာတ်ခဲအားကုန်သွားသည်။ ရွှေတိဂုံပုံတူစေတီရောက်တော့ အဲမှာ တစ်ခုပေါ့ ကျနော် မကြုံဖူးတာလေး တစ်ခုပေါ့။ ဘာလဲ ဆိုတော့ ၀င်္ကပါ ဘုရားပူဇော်ပွဲတဲ့ဗျ..။ 


   သူက ဘယ်လိုလဲဆိုတော့ ၀ါးချမ်းလေးတွေနဲ့ နံရံသေးသေးလေးတွေကို ၀င်္ကပါပုံစံလုပ်ထားတာပေါ့။ အဲမှာ လမ်းတွေ လည်း ၀င်္ကပါလိုပဲ..။ သွားရင်း သွားရင်းနဲ့ ဘုရားပူဇော်ခံဆီရောက်သွားတာပေါ့။ တကယ်လို့ အဲလိုမဟုတ်ရင်တော့ အပြင်ကို သူ့အလိုလိုပြန်ရောက်သွားတာပေါ့။ ကျနော်တို့သူငယ်ချင်းတွေတော့ ဘုရားပူဇော်ခံဆီတန်းရောက်သွားပါသည်။ ပြီးတော့ ရွှေတိဂုံပုံတူစေတီမှာ ကျနော် သက်စေ့ပေါ့ 21 တိုင် ဘုရားဆီမီးပူဇော်ခဲ့ပါသည်။ 


ကျနော် ဆုတောင်းခဲ့သည်။ ဘာဆုတောင်းလဲဆိုတော့ ဘုရားတပည့်တော် အသက်21 ပြည့်ပြီဖြစ်တာမို့ တပည့်တော်ကို ယောက်ျားပီသသောစိတ်ဓာတ်မျိုး ရင်မှာ ဖြစ်တည်ပါရစေလို့ ဆုတောင်းခဲ့ပါသည်။ ဒါလည်း ကျနော် ဆန္ဒပြုခဲ့တယ် ဆိုရင်ပိုမှန်မှာပေါ့။  ပြီးတော့ ကျနော်တို့တွေ ပြန်ကြမယ်ဟု ဆိုကြပါသည်။
ကိုသော်ကြီး ဖိနပ်ပျောက်သည်။ သူငယ်ချင်းကောင်မလေးတွေကို ပြန်ပို့သည်။ ကိုသော်ကြီးရယ် ကိုဟိန်းလေးစံရယ်လည်းပြန်သွားကြပြီပေါ့။ ကျနော် အိမ်အတွက် ထမင်းကြော်တစ်ပွဲဝယ်သည်။ ပြီးတော့ အိမ်ပြန်သွားသည်။ ရုံးမှာ ညအိပ်တော့ ရုံးကို ပြန်လာသည်။ 
    ရုံးကို မလာခင် မေမေ့ကို ကန်တော့ခဲ့သည်။ အမေကို ကန်တော့ပွဲလေးဟာ မခမ်းနားပါဘူးဗျ..။ ဒါပေမယ့် အမေပြုံးတဲ့အပြုံးလေးတစ်ပွင့်ကြောင့် ကျနော်ရင်ထဲ ခမ်းနားခဲ့ပါသည်။ မေမေပျော်ရွှင်ပါစေဗျာ..။ ကျနော်နဲ့ ကျနော်အမေပုံလေး အမှတ်တရလေးတင်လိုက်ဦးမယ်နော်..။ မရယ်နဲ့နော်..။



ရုံးကိုရောက်တော့ အင်တာနက်ဖွင့်သည်။ သူငယ်ချင်းတွေနှင့် စကားပြောဖြစ်သည်။ ဖိုရမ်က ချက်ခန်းမှာလည်း စနောက်ဖြစ်သည်။ 
မကြည်ဖြူခင်ခင်က ကဗျာလေးတစ်ပုဒ် ရေးသည်။ အဲကဗျာလေးကို ဝေဖန်ပေးဆိုလို့ ကျနော် အဆုံးသတ်လေးနည်းနည်း လေး မမိဘူးဆိုတော့ သူကပြင်ပေးလေတဲ့..။ ကျနော်လည်း နည်းနည်း တတ်သလောက် မှတ်သလောက်လေး ပြန်ပြင်ပေးလိုက်တော့ သူက ကောင်းသည်ဟုဆိုသည်။ ပြီးတော့ သူကနှစ်ယောက်ပေါင်းအမှတ်တရကဗျာလေး တဲ့ ဒီနှစ်အတွက် လို့ဆိုတော့ အမ ကျနော်လည်းကူးမယ်လေ ဆိုတော့ ကူးလေတဲ့။ အဲဒီကဗျာလေးကိုလည်း အမှတ်တရ တင်လိုက်ပါသည်..။မကြည်ဖြူခင်ခင် ဘလော့လေးမှာ ဒီလိုလေး တင်ထားပါသည်။

သီတင်းကျွတ်အမှတ်တရလေးပေါ့

သီတင်းအကျွတ်မှာ..
အလွမ်းဆွတ်လာလို့ ၊
ရင်ထဲမှာ ဒီကဗျာကို..
အသက်လေးသွင်း..
တစ်ချက်ခြင်းပဲ ရေးဖွဲ့မယ်..။
ရိုှးရှင်းတယ် ဒီကာရံတွေနဲ့
မာန်မပါ တကယ်အမှန်ပါလို့
ဒီချိန်ဆို အပျော်တွေရောင်ပြန်ဟပ်တယ်
ပွဲတော်မို့လေး..။
ဘုရားရှင် ကြွချီလာတာမို့
ဆီမီးတွေ လှိုင်လှိုင်ထွန်းညှိမယ်
မိုးလင်းထိကွယ်.. ။
အလင်းတွေရောက်ဖို့
ထွန်းတောက်စို့ တို့တွေ ပူဇော်မယ်...။
ဒီအခါသမယ စိတ်ဝယ်ရှိသမျှ ..
အပြုံးတွေစာဖွဲ့ကာ ..
နှလုံးသားမှာ ပီတိလွှမ်း..
တို့ဘ၀လမ်း ငြိမ်းချမ်းကြစေကွယ် .. .. ..။

ပျော်ရွှင်စရာ သီတင်းကျွတ်လေးပါ..။ ကျနော့်အတွက် အမှတ်တရလေး က မထူးခြားပါဘူး။ ဒါပေမယ့် အမှတ်တရလေးအနေနဲ့ တင်လိုက်ပါသည်။

ကျနော် ရေးတဲ့စာလေးကို ဖတ်ပေးတဲ့အတွက် ကျေးဇူးတင်ပါသည်ခင်ဗျား။

4 comments:

nyalaycho said... Reply To This Comment

လာဖတ်ရတာလည်းမလွယ်ပါလားရှင်.. ဟင့်.

အောင်မင်းဦး said... Reply To This Comment

ဘာလို့တုန်း မညလေးချိုရ..။

ပြောပါဦးဗျ..။

အောင်ကျော်ခိုင် said... Reply To This Comment

သန္တာရယ် မီမီရယ် မနေခြည်ဖြိုးရယ် က ကိုကြီးတို့ ရုံးကပဲလား
ခင်ချင်လို့ ဟဲဟဗဲ

အောင်မင်းဦး said... Reply To This Comment

မဟုတ်ဘူးအကို သူတို့က ကျောင်းက သူငယ်ချင်းတွေပါ..။
ရုံးကသူကိုတော့ ကျနော်ဖွက်ထားတာ..။

ဟီး

Post a Comment


facebook comment


content top